မိဘဆိုတာ......

"မိဘ" ဆိုတာ

သူတို့ဘက်မှာ ဘယ်လို အခက်အခဲတွေပဲ ရှိနေပါစေ
သားသမီးတွေရဲ့ ဆန္ဒမျိုးစုံကို ဖြည့်ဆည်းနိုင်စွမ်း ရှိတဲ့ သူရဲကောင်းတွေပါဗျာ ...

ကိုဗစ်(သို့)ငဗစ်

ကိုဗစ်ကြောင့်ပါ
=============
အမျိုးသားတစ်ဦးအိမ်ထဲဝင်လာသည်၊ သူ့လက်ထဲတွင်ကြွတ်ကြွတ်အိပ်မဲ တစ်ထုပ်ကိုကိုင်လာသည်၊ အထုတ်ကို ထမင်းစားပွဲပေါ်ကိုတင်လိုက်သည်၊ ကလေးများအတွက် မုန့်ယူလာခြင်းဖြစ်သည်၊
"မင်း ဒီနေ့ စျေးရောင်းရတာ အဆင်ပြေရဲ့လား"
ကိုမြင့်သည်သူ့ဇနီး တင်တင်ကို မေးလိုက်သည်။
ကိုမြင့်မှာ ဇနီး တင်တင်ရယ် သမီး နှစ်ယောက် သားတစ်ယောက် ရှိပါတယ် အငယ်ဆုံး သမီးလေး အခါလယ် သမီး နိုစို့အရွယ်ပဲ ရှိသေတယ်။
မိသားစု ငါးယောက် ရပ်ကွက် လမ်းအဖျား အိမ်နောက်ဖက်က အခန်းကိုငှားနေကြသည်။
တင်တင်က "ရှင်ကော ဆိုက္ကား နင်းရတာ အဆင်ပြေရဲ့"
"မပြေပါဘူးကွာ အုန်နာ ကြေးတောင်မရပါဘူး
ဒီနေ့ တစ်နေကုန်လုံး ၁၀၀၀ ပဲ ရတယ်"
"ရော့ ဒီမှာ "
"မနက်မှ အုန်နာကို အကျိုးအကြောင်းကြည့်ပြောရတာပေါ့"
ကိုမြင့်က ငွေ ၁၀၀၀ကို ဇနီး ကိုပေးရင်း ပြောလိုက်သည်။
"ကျွန်မလည်း နေပြန်တိုးဆပ်ပြီး မနက်ဖြန်အရင်းအတွက်ချန်မှ ၅၀၀ ပဲ ပိုတော့တယ် "ဟု ပြောရင်း သမီးကြီးကို လမ်းထိပ်စျေးဆိုင်တွင် ဆန် ၅ လုံး ဘဲ ၃ လုံး ဝယ်ခိုင်းလိုက်သည်။
ဒီညနေအတွက် သူတို့မိသားစု ဘဲ ဥနှင့်နှစ်ပါးသွားခဲ့သည်။
ည(၉) နာရီအချိန်တွင် ဆူညံဆူညံသံကြားရ၍ တင်တင်က သူ့ယောကျာ်းကိုမေးလိုက်သည်။
ကိုမြင့်က "မနက်က နေမကောင်းလို့ ဆေးရုံသွားတဲ့ အဒေါ်ကြီး ကိုဗစ်ပိုးတွေ့လို့ သူနဲ့ ဆက်ဆပ်တဲ့သူတွေကို လာခေါ်တာ" ဟု ပြောလိုက်သည်။
ထိုစဥ် တင်တင်မှိုင်ပြီး မျက်နှာ မကောင်းသည်ကို ကိုမြင့်သိသည်၊ မှန်ပါသည် ကိုဗစ်လူနာ ရှိတဲ့ ရပ်ကွက် လမ်း အတွက် အရောင်းအဝယ် အလုပ်အကိုင် ပိုပြီး အဆင်မပြေမှန်း ကိုမြင့်ကော တင်တင်ပါ သိပြီး ဖြစ်သည်။
လင်မယာနှစ်ယောက် စကားမပြောနိုင်ပဲ မနက်ဖြန် အတွက် စဥ်းစားရင် မိုးလင်ခဲ့ကြသည်။
တင်တင်သည် မနက်၄နာရီ ထပြီး ဘုရားရှိခိုး သောက်တော်ရေချမ်းကပ်ပြီး
သင်္ဘောသီး များကို အစိပ် အစိပ်လှီးနေရင်း မိုးလင်းတော့ ယောကျ်ားကို ဆိုက္ကားထွက်ဖို့ နိုးသည်။
ကိုမြင့် ဆိုက္ကားထွက်ဖို့အလုပ် တင်တင်က လှမ်းအော်သည်။
"မနက်ထမင်းချမ်း စားသွားဦးလေ"
မစားတော့ပါဘူးကွာ မင်းပဲစားလိုက်
ဟုတ်ပါသည် ထမင်းချမ်းနည်းနေတာကို သိ၍ ဇနီးကို စားစေချင်းဖြစ်သည်။
တင်တင်သည် သမီးကြီးကို နိုးပြီး
" သမီး ညီမလေး နိုးလာရင် နို့ဘူးဖျော်ထားတယ် တိုက်လိုက်နော်"
သမီး မောင်လေးနဲ့ သမီးက ထမင်းချမ်းစားထား နော်
အပြင်မသွားနဲ့ သိလား မောင်လေး ညီမလေးတွေကို သေချာ ဂရုစိုက်နော်
တင်တင်သည် သူသမီးကြီးကို သေချာမှာပြီး စျေးရောင်းထွက်သွားသည်။
တစ်လမ်းဝင် တစ်လမ်းထွက်နဲ့ အချိန်တော်ကြာ လျှောက်ခဲ့ပေမဲ့ စျေးဦးက မပေါက်သေး မြို့တွင်းတစ်နေရာ အရောက်တွင်
" စျေးသည်လာပါဦး"
နောက်က ခေါ်သံကြောင့် တင်တင်စျေးဦးပေါက်ပြီး မို့ အပျော်ကြီး ပျော်သွားသည်။
" ဟုတ်ကဲ့ လာပါပြီးရှင့်"
အိမ်ရှင်သည် ခြံတံခါးမဖွင့်ပဲ အိမ်ထဲက လှမ်းမေးသည်။
"ဘယ်ရပ်ကွက်ကလဲ?
(...)ရပ်ကွက်ကပါ"
ထိုစဥ် အိမ်နောက်ဖေးက အသံ တစ်ခုထွက်လာသည်။
အမေ.. အဲ့ဒါ ညက ကိုဗစ် ပိုးတွေ့တဲ့ ရပ်ကွက်ကလေ"
ဟုတ်လား! ဒါဆို မယူသေးပါဘူးကွယ်
တင်တင်ရဲ့ အပျော်တွေပျောက်သွားပြီး မျက်နှာငယ်သွားသည်။
"တစ်ရပ်ကွက်ထဲ ဆိုပေမဲ့ အိမ်နားမှာ ဖြစ်တာမဟုတ်ပါဘူး တစ်လမ်းနှစ်လမ်းကျော်ကပါ" လို့ ရင်ထဲမှာ ညီးတွားရင် လှည့်ပြန်ခဲ့ရသည်။
ကိုမြင့်လည်း ဆိုက္ကားပေါ်မှ ဟိုကြည့်ဒီကြည့်နှင့် ၉နာရီ ၁၀ နာရီ ထိုးပြီး တစ်ကြောင်းမှ မဆွဲရသေး မနက်ကတည်းက ဘာမှ စားမလာတော့ ဗိုက်ကစာလာသည်
ရေလေးသောက်လိုက် ဟိုကြည့်လိုက်ဒီကြည့်လိုက်နဲ့
ဘေးက " ဦးလေး ဆိုက္ကား အားလား"
အထုတ်အပိုးနှင့် ကလေးမလေး တစ်ယောက်
"အားတယ် သမီး "
"ဘယ်ကို ပို့ပေးရမလဲ" ဟုမေးကာ လိုက်ပို့ပေးလိုက်သည်။
ဒီနေ့ ၁၁ နာရီ ထိုးအထိ ကိုမြင့် ဆိုက္ကာ တစ်ကြောင်းပဲ ဆွဲရသည်။
ဗိုက်ဆာလွန်းသဖြင့်အိမ်ပြန်ခဲ့သည်။
အိမ်ရောက်ရောက်ချင်း ကိုမြင့် အမောမပြေခဲ့ပါ။
တင်တင် အိမ်ပေါက်ဝမှာ ထိုင်ပြီး မှိုင်နေတာကို မြင်လိုက်ချင်းကြောင့်ဖြစ်သည်။
"တင်တင် ဘာဖြစ်နေတာလဲ " ကိုမြင့်မေးလိုက်သည်။
"ဒီနေ့စျေးရောင်းတာ နေ့ပြန်တိုး အတိုးအတွက်တောင် မရဘူး"
"ရှင်ကော ဘယ်လောက်ရလဲ?
"ငါလည်း တစ်မနက်လုံး တစ်ကြောင်းပဲ ဆွဲရတယ်"
"ဘယ်လို လုပ်ကြမလဲ ခုထိ ဘာမှ မချက်ရသေးဘူး"
"ချက်စရာလည်း ဘာမှ မရှိဘူး"
"ကလေးတွေလည်း မနက်တည်းက ထမင်းချမ်းပဲ စားရသေးတယ် "
"ဗိုက်စာနေကြပြီး သူများကလေးတွေ ထမင်းစားပြီးကြပြီး"
"နေ့ပြန်တိုးသမားကလည်း အတိုးမသွင်းလို့မရဘူး "
"အိမ် လခကလည်း ပေးရတော့မယ် "
ငိုသံပါပါ နဲ့ ပြောနေသော ဇနီးကို ကြည့်ပြီး
"ငါညနေ ထွက်ရှာ ကြည့်ပါဦးမယ်ကွာ"
ပြောရင်းသက်ပြင်းချလိုက်သည်။
"မေမေ" သားဗိုက်ဆာတယ်! သားအလတ်က အမေ့ဘေး မှ ထိုင်ကာ ပြောလိုက်သည်။
မှန်ပါသည် ဒီအချိန်က ထမင်းစားချိန်ကျော်ပေမဲ့ သူတို့ မိသားစု ထမင်းမချက်ရသေးပါ။
ကလေးတွေရဲ့ အဖြစ်ကို ကြည့်ပြီး
"ငါတို့နှစ်ယောက်ရှာတာ ကလေးတွေ ကို ဝအောင်မကျွေးနိုင်ပါလားကွာ" ကိုမြင့် ညီးတွားလိုက်သည်။
တင်တင် တွေဝေနေရင်းမှ အငယ်ဆုံးသမီးကို ပွေ့ချီကာ မတ်တပ်ရပ်လိုက်သည်။
ကိုမြင့်က "မင်းဘယ်သွားမလို့လဲ" မေးလိုက်သည်။
" ငါဘုန်းဘုန်းတွေဆီ ဆန်လေး ဘာလေးသွားတောင်းကြည့်မလို့ ရတော့လည်း နည်းနည်းချောင်လည်တာပေါ့"
ပြောပြောဆိုဆိုနှင့် ထွက်သည်။
ကိုမြင့်သည် ဇနီးရဲ့ ကျောပြင်ကို ကြည့်ရင်း...
မိဘ တွေက သားသမီးတွေ အတွက် ဆို ဘာပဲ လုပ်ရ လုပ်ရ မရှက်မကြောက်တော့ဘူးဆိုတာ သားသမီးတိုင်းသိစေချင်တယ်။
Crd. ...
အရှင်ပညာဓဇ

တွဲလက်တစ်စုံ

 မူရင်းဓာတ်ပုံ ပိုင်ရှင် Thiha tun ဆိုသူရိုက်ထားတဲ့ဒီပုံလေး fb ပေါ်တက်လာတာတွေ့တော့ တွေ့တွေ့ချင်း လှောင်ပြီးဟားတိုက်ရယ်မိတယ်
ဒီလောက်ရူးရသလားပေါ့ ...
ပြီးမှကြည့်နေရင်းကြည့်နေရင်းနဲ့ မရယ်ရက်တော့ပဲ မျက်ရည်ဝိုင်းလာမိတယ်။အဲ့ကောင်မလေးနေရာ မှာ ကိုယ့်ပုံရိပ်ကို ပြန်တွေ့လိုက်ရသလို ၊အဲ့ကောင်မလေးနေရာမှာ အမျိုးသမီးတော်တော်များများရဲ့ပုံရိပ်ကို ပြန်တွေ့လိုက်ရသလိုခံစားမိလိုက်လို့ ပါပဲ ။
ကိုယ်တို့မိန်းမတွေ ရဲ့ မိုက်ရူးရဲဆန်မှု ၊စွန့်စားမှုတွေ ကိုအဲ့ဓာတ်ပုံထဲမှာ ပြန်မြင်နေရသလိုခံစားမိတယ်
ကိုယ်တွေက ကိုယ့်ကိုလှမ်းဆွဲတဲ့လက်တစ်စုံကို
ယုံကြည်မိတဲ့အခါ ၊ စွန့်စားရဖို့မကြောက်တော့တဲ့ကမ္ဘာ့သတ္တိအရှိဆုံးလူသားတွေဖြစ်လာခဲ့တယ်
ဒီလက်တစ်စုံဟာကိုယ့်အတွက် အလုံခြုံဆုံး
စောင့်ရှောက်မှုကိုပေးနိုင်လိမ့်မယ်လို့
မျှော်လင့်တကြီး ရူးမိုက်ခဲ့ကြတယ်
ဒီလက်တစ်စုံဟာ ကိုယ့်အတွက် မေတ္တာတရား
အပြည့်နဲ့ ဖေးမလိမ့်မယ်လို့ အားကိုးတကြီး
ယုံကြည်ခဲ့ကြတယ်
ဒီလက်တစ်စုံသာ ရှိရင်အရာရာရင်ဆိုင်ရဲပြီဆိုတဲ့ သတ္တိတွေနဲ့ လောကကြီးကို စိန်ခေါ်ခဲ့ကြတယ်
ကိုယ်ဆွဲမိတဲ့ လက်တစ်စုံဟာကိုယ့်ကို ဖေးမစာနာပြီး တွဲခေါ်စောင့်ရှောက်တဲ့လက်မျိုး ပိုင်ဆိုင်နိုင်ခဲ့ရင် ဘယ်လောက်ပဲပင်ပန်းပါစေ ပျော်မဆုံး၊မော်မဆုံး ၊ကြည်နူးမဆုံးနဲ့ နှစ်ကိုယ်တူဘဝခရီးလမ်းကိုရင်ဆိုင် လျောက်လှမ်းနိုင်စွမ်းတွေရှိခဲ့ကြတယ်
ဒါပေမယ့် ကိုယ်တွေ လှမ်းဆွဲခဲ့တဲ့လက်တစ်စုံက ကိုယ့်လက်တွေကိုမြဲမြဲမတွဲ ထားနိုင်တဲ့အခါ
ကိုယ် လှမ်းဆုပ်ခဲ့တဲ့လက်တစ်စုံမှာကိုယ့်အတွက် စာနာဖေးမမှုတွေ၊ မေတ္တာတရားနဲ့စောင့်ရှောက်မှုတွေ၊ တာဝန်သိတတ်မှုနဲ့ ငဲ့ညှာ သနားမှုတွေ ပျောက်ဆုံးလာတဲ့အခါ
ကိုယ်တို့မိန်းမတွေဟာ ပုံထဲကမိန်းခလေးလို ခြေကားယား လက်ကားယားနဲ့ လောကအလယ်ကို့ယို့ကားယားဖြစ်ကြရတော့မှ အိပ်မက်ဆိုးကနိုးလာသလို
ကိုယ်တွေ ယုံကြည်မိခဲ့တဲ့လက်တစ်စုံကို ကယောင်ကတမ်းလိုက်ဖမ်းရင်း အလဲလဲအပြိုပြို ဖြစ်ကြရတဲ့
သူတွေရှိသလို
ဆွဲထူမယ့်လက်တစ်စုံမရှိတော့တဲ့အခါ ငါသန်မာမှ
ဖြစ်မယ်၊ငါ ရပ်တည်မှဖြစ်မယ်၊ ငါကြံ့ကြံ့ခံအကောင်းဆုံးရင်ဆိုင်မယ်၊ငါ တစ်ယောက်ထဲလဲ ရဲရင့်တတ်ရမယ်
ဆိုတဲ့စိတ်နဲ့ ကိုယ့်ဘာသာ မာန်တင်းရင်း ပြုတ်ကျတဲ့ဘဝကိုကိုယ့်ဘာသာပြန်ဆယ်ရင်း ကမ်းရောက်
အောင်လက်ပြစ်ကူးနေကြသူတွေလဲ ရှိလိမ့်မယ်
ကိုယ်တွေ အားကိုးတကြီး ဆုပ်ကိုင်မိခဲ့တဲ့လက်တစ်စုံလွတ်ထွက်သွားတဲ့အခါ ..ဝရုန်းသုန်းကားပြိုလဲရင်း
နစ်မွန်းနေမလား
လဲကျတဲ့အခါအားမာန်အပြည့်နဲ့ မတ်မတ်ပြန်ထပြီး ကိုယ့်ဘဝကိုယ် အကောင်းဆုံးရင်ဆိုင်ရပ်တည်မလား ဆိုတာတော့ ကိုယ့်ရွေးခြယ်မှု ပါပဲ လေ ..
( ပုံလေးကြည့်မိပြီး မဆုံးနိုင်အောင်တွေးမိတဲ့ အတွေးမို့ လွတ်လပ်စွာသဘောထားကွဲလွဲနိုင်ပါတယ်၊ )

( မူရင်းဓာတ်ပုံနဲ့သက်ဆိုင်သူများအားလုံးကို လဲ လေးစားစွာcredit ပေးပါတယ်နော်)

 

မြန်မာသည် မဟုတ်တာကို အလွန်ကြွားဝါချင်လှ၏

မြန်မာသည် မဟုတ်တာကို အလွန်ကြွားဝါချင်လှ၏။

ရေခဲသေတ္တာကို ဧည့်ခန်းတွင်ထားခဲ့ကြသည်၊ အ၀တ်လျှော်စက်ကို အိမ်ရှေ့တွင်လူမြင်အောင်ပြ၏ (ထားစရာ နေရာ မရှိသဖြင့်ထားရခြင်းကို မဆိုလို)၊ မှန်ဗီရို၊ ရှိုးကေ့စ်ကို ဧည့်ခန်းတွင်ထားကာ ထိုမှန်ဗီရိုထဲတွင် လက်ဘက်ရည်ပန်းကန် (Tea Set)များကို အလှထည့်ထားကြသည်မှာ လူ ၅၀ ခန့်ကို လက်ဖက်ရည်တိုက်၍ ရသည်။ သို့သော် ထို Tea Set များကိုအပြင်ထုတ်၍ အသုံးပြုတာတော့ တစ်ခါမှမမြင်ဖူးချေ။
 

တခါကရွာတရွာတွင် ရေရှားပါးသဖြင့် နိုင်ငံခြားသားအလှူရှင်များကို ထိုရွာသို့ခေါ်သွားဖူးသည်။

နိုင်ငံခြားသားများသည် သူတို့နိုင်ငံတွင်သိပ်ပြီးချမ်းသာကြသူများမဟုတ်။ စေတနာထက်သန်သောကြောင့် ငွေကြေးများ စုပေါင်းကောက်ခံပြီး စက်ရေတွင်းတူးရန်လာလှူကြခြင်းဖြစ်သည်။ တရွာလုံး ၀မ်းသာအားရ အလှူရှင်တွေနှင့် နှုတ်ဆက်ကြ၊ ဓာတ်ပုံရိုက်ကြသည်။

ညကျတော့ ဆိုင်းသံ၊ ဗုံသံတွေကြားရသဖြင့် နိုင်ငံခြားသားများကသွားကြည့်ကြသည်။

ဘာအခမ်းအနားလဲဟုမေးကြည့်ရာ ရွာကစုပေါင်းပြီးဌားထားသောအငြိမ့် ဖြစ်နေသည်။

စုပေါင်းရှင်ပြုပွဲတခုအတွက် အောင်ပွဲကျင်းပကြခြင်းဖြစ်ပါသတဲ့။

အငြိမ့်ငှားခကိုတော့ရွာသားများစုပေါင်းထည့်ကြသည်။ အငြိမ့်ငှားရမ်းခစျေးနှုန်းကို မေးကြည့်ရာ စက်ရေတွင်း တူးခ အပြီးအစီးစျေးနှုန်းလောက်ပင်ဖြစ်နေ၏။ နိုင်ငံခြားသားအလှူရှင်များမှာ အံ့သြလွန်းသဖြင့် ခေါင်းတခါ လည်တခါခါ ဖြစ်ကုန်ကြသည်။ ရေတွင်းတူးဖို့ လှူမည့်အလှူရှင် မပေါ်သော်လည်း တရွာလုံးမှာ တိုက်ခံအိမ်တွေ အများကြီးရှိသည်၊ စကိုင်းနက် ရုပ်သံစလောင်းများကိုလည်း အိမ်တော်တော်များများတွင်တွေ့ခဲ့ရသည်။

နိုင်ငံခြားသား စက်ရေတွင်းအလှူရှင်များမှာ အိုးကမပူ၊ စလောင်းကပူသလို ဖြစ်နေကြသည်။ ငပိသည်က အိပ်နေပြီး ဆားသည်က ယင်မောင်းနေရသလိုဖြစ်နေသည်။ မြန်မာတို့က အပေါ်ယံတွေမှာ တလွဲဆံပင် ကောင်းကြသည်။ မြွေကိုက်၍မကြာခနလူသေသောရွာတွင် မြွေဆိပ်ဖြေဆေး ရေခဲသေတ္တာထဲမှာ အသင့် ထည့်ဆောင် ထားကြဖို့ မည်သူမျှစိတ်မ၀င်စားကြချေ။
ပြောရလျှင် မြန်မာတို့သည်အပေါ်ယံကြော ကိုအတော်အလေးထားသော လူမျိုးဖြစ်သည်။သာသနာ့ဘောင် ၀င်ဖို့ ရှင်ပြုတာပင် ဆယ်ပါးသီလ၊ သင်္ကန်းတောင်း၊ ရှင့်ကျင့်၀တ် စသည်တို့ရဖို့မရဖို့ထက်၊ ၀န်းခင်းဖို့၊ ဆင်နှင့် ရှင်လောင်းလှည့်ဖို့၊ နာမည်ကြီးအငြိမ့် ထည့်ဖို့ ပို၍အားသန်ကြသောလူမျိုးဖြစ်သည်။
အ၀တ်အစား၀တ်ရာတွင် ကျန်းမာရေးနှင့်ညီညွတ်ဖို့၊ ရာသီဥတုနှင့်လိုက်ဖက်ဖို့၊ မိမိသွားသော အခမ်းအနား နှင့်လျော်ညီဖို့ဆိုတာထက် ဝါဖို့ကြွားဖို့ကို အဓိကထားကြသည်။
အလှူလူပ်ရာတွင် လိုအပ်နေသောနေရာကို ထိထိရောက်ရောက်လှူဒါန်းဖို့ထက် မုခ်ဦးကြီးများတွင် ကမ္ဗည်း ထိုးပြီး နာမည်ကြီးဟိန်းနေအောင်မြင်ရသောနေရာတွင်လှူချင်ကြသည်။
အတော်မခက်ပေဖူးလား..........

Credit to တာတီ

"မကျော်သင့်သောစည်းကလေးများ"

 

"မကျော်သင့်သောစည်းကလေးများ"

လူတစ်ယောက်နဲ့တစ်ယောက်ကြားမှာ
စည်းလေးတစ်ခုတော့ထားပေးပါ
သူငယ်ချင်းပဲဖြစ်ဖြစ်
ချစ်သူချင်းပဲဖြစ်ဖြစ်
မောင်နှမကြားမှာပဲဖြစ်ဖြစ်
နောက်ဆုံး မိဘနဲ့သားသမီးကြားမှာတောင်
စည်းလေးတစ်ခုရှိရပါမယ်
လိုတာထက် ပိုမဝင်မိစေဖို့...
သူ့ရဲ့ကိုယ်ပိုင်ဆုံးဖြတ်ချက် ကိုယ်ပိုင်ခံယူချက်
သူ့ရဲ့လွတ်လပ်ခွင့် သူ့ရဲ့ရည်မှန်းချက်
သူ့ရဲ့ပြင်လို့မရတဲ့ဗီဇနဲ့စရိုက်တွေအတွက်
ကိုယ်က ဝင်ရောက်သင့်တဲ့အတိုင်းအတာထက်
ပိုပြီးမဝင်မိစေဖို့....
မေးသင့်မေးထိုက်တာထက်
ပြောသင့်ပြောထိုက်တာထက်ပိုပြီး
ဘောင်တွေမကျော်ဖို့အတွက်
စည်းတစ်ခုထားကိုထားရပါမယ်...
အရမ်းချစ်ကြတဲ့သူတွေ
ဘာလို့မုန်းသွားကြသလဲ?
အရမ်းခင်ကြတဲ့မိတ်ဆွေတွေက
ဘာလို့အမုန်းဆုံးရန်သူတွေဖြစ်သွားကြသလဲ?
အရင်ကအရမ်းအဖွဲ့ကျ
စားအတူသွားအတူပျော်ခဲ့ကြတဲ့ BFF တွေ
ဘာလို့ခပ်တန်းတန်းတွေဖြစ်ကုန်ကြသလဲ?
ဘာလို့ တစ်ယောက်နဲ့တစ်ယောက်အထင်မကြီး
မလေးစားကြတော့တာလဲ...?
ပြဿနာအများစုရဲ့အဖြေကတော့
လိုတာထက်ပိုပြီး စည်းတွေကျော်
ဘောင်တွေနင်းခဲ့ကြလို့ပါ...
အရမ်းခင် အရမ်းချစ်နေကြဆဲကာလမှာတော့
အယုံကြည်ရဆုံးလို့ထင်မိပြီး
မိမိဘဝအကြောင်း မိမိစိတ်ဓာတ်အကြောင်း
မိမိရဲ့မိသားစုအကြောင်း
အိတ်သွန်ဖာမှောက်ပြောပြကြသလို
မိမိကလည်း သူတပါးရဲ့အတွင်းရေးတွေကို
အကြံပြု ဝေဖန်ဆုံးဖြတ်ကြပါတယ်....
အဆင်ပြေနေတုန်းတော့ အဆင်ပြေနေတာပေါ့
အဲဒီကတဆင့်တက်
သူ့ရဲ့ဘဝ ကိုယ့်ရဲ့ဘဝ
သူ့ရဲ့အတွင်းရေး ကိုယ့်ရဲ့အတွင်းရေးထိ
ဝင်ရောက်လာကြတယ်
စည်းလွတ် ဝါးလွတ်တွေပြောလာကြတယ်
ကိုယ့်အတွေးကိုယ့်အမြင်တွေကို
သူကလက်မခံတဲ့အခါ ရန်တွေဖြစ်လာကြတယ်..
သူ့ရဲ့စည်းလွတ်ဘောင်လွတ် နယ်ချဲ့ပြီး
မိမိအတွင်းရေးအထိ ပါဝင်လာတာကိုလည်း
ကိုယ်တိုင်က အရင်လိုမနှစ်သက်နိုင်တော့ပါဘူး
အဲဒီအခါမှာတော့...
သူ့အပေါ်ကိုယ်မြင်ခဲ့တဲ့ ကိုယ်အထင်ကြီးခဲ့တဲ့
အားသာချက်တွေအပြင်
ကိုယ်လက်ခံလို့မရတဲ့ ကိုယ်မကြိုက်နှစ်သက်တဲ့
သူ့ရဲ့ character တွေပါသိလာရတဲ့အချိန်မှာ
စည်းတွေတော်တော်ကျော်နေပါပြီ...
အကောင်းမြင်တာတွေမှေးမှိန်ပြီး
မကောင်းမြင်ချက်တွေ
အားသာလာတဲ့အချိန်မှာတော့
လူနှစ်ဦးရဲ့ဆက်ဆံရေးဟာ အရင်ကလိုမနွေးထွေးနိုင်တော့ပါဘူး...
သူကငါထင်သလိုမဟုတ်ဘူး ဆိုတာတွေ
သူကမိတ်ဆွေကောင်းမဟုတ်ဘူး ဆိုတာတွေ
တွေးမိလာကြပါတယ်
တကယ်တော့
လူတိုင်းရဲ့အတွင်းစိတ်မှာ
weak point တွေရှိနေပါတယ်
မရင့်ကျက်မှုတွေရှိတယ် မပြည့်ဝတာတွေလည်းရှိနေပါတယ်
အပေါ်ယံကသာ လူတွေနဲ့အဆင်ပြေဖို့
လူအထင်ကြီးဖို့ ရုပ်ဝတ္ထုပစ္စည်းတွေ အပြုံးတုတွေနဲ့ဖုံးကွယ်ထားကြတာပါ
ခက်တာက လူတွေက
ကိုယ်တိုင်သာကောင်းအောင်မနေနိုင်ကြတယ်
သူများကိုတော့ကောင်းတဲ့အရာကိုပဲ
မြင်ချင်ကြတာမျိုး ကြုံချင်ကြတာမျိုးပါ....
ဒါ့ကြောင့် သူတပါးရဲ့ weak point တွေနဲ့
ကြုံတွေ့ရတဲ့အခါ
စည်းလွတ်ဝါးလွတ်တွေပြောဆိုကြ
ပြင်ဖို့ကြိုးစားကြ
မရတဲ့အခါ လှောင်ပြောင်ရှုံ့ချကြ ကဲ့ရဲ့အတင်းပြောကြရင်း စိုသောလက်တွေခြောက်လာကြတာကြုံဖူးကြမှာပါ
ဒါ့ကြောင့်
လူနှစ်ဦးအနေနဲ့
လူတစ်စုအနေနဲ့ ရေရှည်လက်တွဲသွားဖို့ရည်ရွယ်တယ်ဆိုရင်....
နေသင့်တဲ့နေရာမှာပဲနေပါ
မမေးသင့်တဲ့အရာတွေကိုမမေးပါနဲ့
မသိသင့်တဲ့အကြောင်းတွေကို မသိချင်ပါနဲ့
သူ့ရည်မှန်းချက်တွေ သူ့ခံယူချက်တွေ
သူ့မှာမူလထဲကရှိနေတဲ့စရိုက်တွေ ဗီဇေတြကို
သင့်အမြင် သင့်ခံစားချက်တစ်ခုထဲနဲ့
ပြုပြင်ဖို့မကြိုးစားပါနဲ့
ကိစ္စတစ်ခု ပြဿနာတစ်ခုကို
သင်နဲ့ထပ်တူကျဖို့ ဘယ်တော့မှအတင်းအကြပ်မကြိုးစားပါနဲ့
ကောင်းဖို့အတွက်စေတနာနဲ့ပြောတာရယ်
ဝင်ရောက်စွတ်ဖက်တာရယ်က မတူဘူးဆိုတာသိပါ...
မိတ်ဆွေကောင်းဆိုတာ ရိုးသားရပါမယ်
ဒါ့အပြင် အကင်းလည်းပါးရပါမယ်
သူ့စည်းကိုယ့်စည်း ၂ခုစလုံးကို
မပြောဘဲနဲ့အလိုလိုနားလည်ရပါမယ်...
လူနှစ်ယောက်ဟာ လူတစ်ယောက်ဟာ
ဘယ်သောအခါမှ
အရာရာအတွက်
ထပ်တူကျနိုင်မယ်မဟုတ်ဘူးဆိုတာလည်း
သိရပါမယ်
ကောင်းတာတွေကိုလက်ခံနိုင်သလို
မကောင်းတာတွေအတွက်လည်း
စည်းမကျော်စေဘဲ လက်ခံပေးနိုင်မှသာ
ဘယ်သူနဲ့မဆို လက်တွဲနိုင်မယ်ဆိုတာလည်း
သိရပါမယ်....
ဒါ့ကြောင့်
မချစ်ခင်က မမုန်းဖို့အတွက်
ကြိုတင်ပြင်ဆင်ထားလို့ရပါတယ်
စည်းကလေးတွေ မနင်းမိအောင်ပေါ့....
ဘောင်ကလေးတွေ မကျော်မိအောင်ပေါ့...
Credit to original writer

Porn Virus !!!

Porn Virus !!!

Porn site တွေ၊ Porn entertainment တွေ များလာနဲ့အမျှ လူငယ်တွေဟာ Porn addicted တွေ ဖြစ်လာကြပါတယ် !
အဲ့ထဲမှာ ကျွန်တော်လည်း အပါအဝင်ပါပဲ !
Porn addicted ဆိုတာ အဲ့ကားတွေ ကြည့်ရတာ၊ အဲဒါတွေ ကြည့်ပြီး အာသာဖြေရတာတွေ သဘောကျတဲ့ စွဲလန်းမှုတစ်ခုပါ !
တစ်ချို့တွေဆို Reality sex feeling ထက် Porn ကြည့်ပြီး masturbate လုပ်ရတဲ့ feeling ကို ပိုကြိုက်ကြတဲ့ သူတွေတောင် ရှိပါတယ် !
But ဒါက အဲ့လောက်မဆိုးပါဘူး !
အဲ့ထက်ဆိုးတဲ့အရာကတော့ "Porn Virus" ပါပဲ !
ကျွန်တော်အခု ပြောပြချင်တာ အဲ့အကြောင်းပါ !
Porn Virus ကိုက်တယ်လို့ ခေါ်လို့ရပါတယ် !
အဲဒါက ဘယ်လိုလဲဆိုတော့ အရာရာကို Porn ကားထဲကအတိုင်း ထင်မြင်ယူဆကုန်တာပါပဲ !
ပတ်ဝန်းကျင်၊ လူမှုဆက်ဆံရေးမှာကအစ Porn ကျင့် Porn ကြံ ကြံကုန်တာပေါ့ဗျာ ~
သာမန်မိန်းကလေးတစ်ယောက်က ကိုယ့်ကို ရိုးရိုးသားသား စကားလာပြော၊ အကူအညီလာတောင်းရင်တောင် သူ့စိတ်ထဲမှာ "ဒါသက်သက်ခံချင်လို့ ဥာဏ်ဆင်တာ" လို့ ထင်ကုန်တော့တာပဲ !
ပြောရရင် Porn ကားထဲက movie script တွေပဲ သူတို့ ခေါင်းထဲ ကြီးစိုးသွားတာပါ !
But Porn Virus ကိုက်တဲ့ သူတွေထဲမှာတောင်မှ တစ်ချို့က စိတ်အဆင့်နဲ့ပဲ တွေးပြီး ပြန်အဆုံးသတ်တတ်သွားကြပါတယ် !
အဲ့ထက် အဆင့်တိုးလာရင်တော့ စိတ်က တွေးမိပြီး ပါးစပ်ကနေ နည်းနည်းထိကပါး ရိကပါး ပြောကြည့်ပြီး အဆင်မပြေရင် အဆုံးသတ်သွားကြပါတယ် !
အဆိုးဆုံးကတော့ စိတ်နဲ့လည်းမှန်း၊ ပါးစပ်ကနေလည်း ထုတ်ပြောပြီး ဟိုက လက်မခံတာတောင်မှ မရရအောင် လုပ်ပစ်တဲ့ကောင်တွေပါပဲ !
အဲ့မှာ နောက်ဆက်တွဲအနေနဲ့ ပါလာကတော့ Rape case တွေပါပဲ !
အဲ့တော့ ကျွန်တော်ပြောချင်တာက Porn ကားကြည့်တာ ရှက်စရာမဟုတ်ပါဘူး ! Porn addicted ဖြစ်တာလည်း ရှက်စရာ မဟုတ်ပါဘူး !
But Reality နဲ့ Porn World ကို မခွဲခြားနိုင်ရင်တော့ ခင်ဗျားဟာ တစ်ချိန်မှာ လူတွေကို ဒုက္ခပေးလာနိုင်ပါတယ် !
အဲ့မှာ ဆင်ခြင်တုံတရား ရှိခြင်း၊ မရှိခြင်းဆိုတာ ကွာသွားတာပါပဲ !
ခင်ဗျားတို့ကို လတ်တလော Trend ဖြစ်တဲ့ အရာနဲ့ ဥပမာပေးရမယ်ဆိုရင် Porn ကားကြည့်တာဟာ ငှက်ပျောသီး စားရသလိုပါပဲ !
ငှက်ပျောသီး စားတဲ့အချိန်မှာ ခင်ဗျားတို့ ဒီတိုင်းကြီး စားလို့မရပါဘူး ! အခွံခွာစားရပါသေးတယ် !
ဒါ့အပြင် အဲ့အခွံကိုလည်း သိမ်းထားလို့ မရပါဘူး ~ လွှင့်ပစ်ရပါသေးတယ် !
အဲ့လိုပဲ ~ ကျွန်တော်တို့ Porn ကြည့်တဲ့အခါမှာလည်း လိင်ဆက်ဆံပုံ၊ လိင်ဆက်ဆံနည်းတွေ ပညာယူလို့ရသလို၊ Model တွေရဲ့ အလှတရားတွေနဲ့ ဆွဲဆောင်မှုတွေကို ရှူစားလို့ရပါတယ် !
But ကျွန်တော်တို့အနေနဲ့ Movie script တွေ၊ တစ်ချို့သော Violent scene တွေကိုတော့ ခေါင်းထဲ စွဲထားလို့မရပါဘူး !
အဲဒါတွေက ငှက်ပျောသီးအခွံလိုပဲ လွှင့်ပစ်ရမယ့်အရာတွေပါ !
အဲ့တော့ ကျွန်တော်တို့ ခင်ဗျားတို့အနေနဲ့ ပယ်သင့်တာ ပယ်ပြီး သယ်သင့်တာကိုတော့ သယ်တတ်ရပါလိမ့်မယ် ~ အဲ့လိုဖြစ်ဖို့လည်း Ethic ဆိုတဲ့ အရာကို အနည်းနဲ့အများ နားလည်ရပါလိမ့်မယ် !
ဒီငှက်ပျောသီးစားတဲ့ ဥပမာက ဒါတစ်ခုတည်းရယ်မှမဟုတ်ပါဘူး ~ ဘဝမှာ ကြုံလာတဲ့ အရာတွေတိုင်း အဲ့လိုပဲ ကျင့်ကြံရမှာပဲ !
P.s. ကျွန်တော်အခုလို ရှင်းပြနေတာဟာ Rapist ကို ကိုယ်ချင်းစာသနားလို့ ရှင်းပြနေတာ မဟုတ်ဘူးနော်
Rapist ဆိုရင် ဒဲ့ရွံပါတယ် !
နောင်လာနောင်သားတွေ မဖြစ်သင့်တာ မဖြစ်ရအောင် ကြိုတင်နားလည် ရှောင်ရှားဖို့အတွက်ပါ !
Say "No" to Rape & Fuck the Rapist !!! 

crd...Michvel

ကိုယ်ချင်းစာနာတက်စေဖို့

ကိုယ်ချင်းစာနာတက်စေဖို့

ပိုလာဝက်ဝံမ အသတ်ခံရရင်
ပိုလာဝက်ဝံထီးဟာ အနားကမခွာဘဲ
နေ့နေ့ညည မစားမသောက်
ရက်အတော်ကြာ စောင့်နေတတ်သတဲ့။
ဝေလငါးမ ဒဏ်ရာရရင်
ဝေလငါးထီးဟာ အနားကမခွာဘဲ
စောင့်နေတတ်တယ်။
ဝေလငါးဖမ်းသူတွေ ထိုးနှက်
တိုက်ခိုက်ရင်လည်း ဝေလငါးထီးဟာ
ဝေလငါးမနား အသက်မသေမချင်း
တဖဝါးမခွာ ရှိနေတတ်သတဲ့။
ချန်ပန်ဇီမျောက်မဟာ
မျောက်ငယ်လေး သေသွားရင်
ချက်ချင်းမစွန့်ပစ်တတ်ဘူး။
မျောက်ကလေး အသက်ပြန်ရှင်
လာနိုင်တယ်လို့ ထင်လို့ပါတဲ့။
မျောက်မဟာ မျောက်ကလေးသေပြီး
အရိုးတွေပေါ်လာတဲ့အထိ
မျှော်လင့်နေတတ်ပါသတဲ့။
အမဲလိုက်မုဆိုးတွေက
သေနတ်ပြောင်းနဲ့ ကတိုးကောင်အုပ်စုကို
ထိုးချိန်ထားရင် ကတိုးကောင်အထီးတွေဟာ ရှေ့ကို ထိုးတက်လာတတ်တယ်။
ကတိုးကောင်အထီးတွေရဲ့နောက်မှာတော့ ကတိုးကောင်အမတွေ ကပ်လိုက်လာတတ်ပါတယ်။
သေနတ်ဒဏ်ကြောင့် ရှေ့မှာကာထားတဲ့ ကတိုးကောင်တွေ တစ်ကောင်ပြီး
တစ်ကောင်လဲကုန်ပေမယ့် တစ်ကောင်မှ ကြောက်ရွံ့တွန့်ဆုတ်သွားတာမျိုး မရှိဘူး။ တကယ်လို့ မုဆိုးတွေဟာ
ကတိုးကောင်ပေါက်လေးတစ်ကောင်ရချင်ရင် အရွယ်ရောက်ကတိုးကောင်အားလုံးကို အရင်သတ်ပစ်မှ ရနိုင်မှာပါ။
တောင်ဆိတ်အိုဟာ တောင်ဆိတ်ငယ်လေးလွတ်မြောက်ဖို့အတွက် သူကိုယ်တိုင် ချောက်ထဲခုန်ချပြီး တောင်ဆိတ်ငယ် တစ်ဖက်ချောက်ကမ်းပါးပေါ်ရောက်အောင်
သူ့ခန္ဓာကိုယ်နဲ့ တစ်ဆင့်ခံပြီး ခုန်စေပါသတဲ့။
မုဆိုးအလိုက်ခံရတဲ့မျောက်မဟာ
မုဆိုးလက်က ပြေးလို့မလွတ်မှန်းသိတဲ့အခါ မုဆိုးကိုတအောင့်နေမှပစ်ဖို့
လက်ဝေ့ယမ်းပြတတ်တယ်။
သူမသေခင် သူ့ရင်ခွင်ထက်က
မျောက်ကလေးကို နို့တိုက်ခဲ့ချင်လို့ပါတဲ့။
တိရစ္ဆာန်တွေက လူသားဆန်တယ်လို့
တချို့ကပြောကြတယ်။
သူတို့ရဲ့ သံယောဇဉ်၊ သူတို့ရဲ့ချစ်ခြင်းက ကောင်းကင်ထက်တောင်
မြင့်မားတယ်လို့ ဆိုကြတယ်။
လူက လူကိုဆဲတဲ့အခါ
မင်းတိရစ္ဆာန်ထက်တောင်
အသိတရားခေါင်းပါးလှချည်လားလို့
ဆဲဆိုတတ်တယ်။
တကယ်တမ်းမှာလည်း
လူတချို့ဟာ ဒီတိရစ္ဆာန်လောက်တောင် အသိတရား မရှိခဲ့ကြပါဘူး။
Credit_